المساعدة تكتب: أعطوا البترا حقها

مدار الساعة - كتبت رزان علي المساعدة

البترا تُنادي _ وردة الصخر تذبل فهل نسمع النداء قبل الفوات ..!

مدينه عجائب الدنيا السبع واليوم صارت تُكافح كي لا تُمحى من ذاكرة الزمان بفعل (الإهمال والتجاهل وتقلّب الظروف المحيطة)

في الأشهر الأخيرة …. عانت البترا من تراجع غير مسبوق في الحركة السياحية من مشهد المحلات المغلقة أصبح مألوفًا والأدلاء السياحيون قلّت فرص عملهم والمجتمع المحلي بدأ يشعر بثقل الغياب الطويل للزوار والسبب .. !!

الحرب في غزة _التوترات الإقليميه _ ضعف الترويج الخارجي _ وتراجع الخطط التنموية الفعليه ٫٫ كلها خنقت الحياة في هذه المدينة الوردية

الناس في البترا مش أرقام _ الناس تعبوا

1_ الأب اللّي بنى بسطته بالحجر ما عاد قادر يفتحها

2_ الأم اللّي كانت تطبخ أكل نَبطي للسيّاح رجعت تبيع من البيت

3_ الشاب اللي كان يحكي خمس لغات ما عاد يلاقي حدا يحكي معه

4_ الطفلة اللي كانت تفرح بالضيوف صارت تسأل : ليش ما حدّ بيجي ؟

لكن لسّا في أمل

لسّا في مجال نوقف من جديد بس لازم نشتغل بطريقة جديدة وواقعية وشاملة أكتر من كل الجوانب

شو اللي بصير !! وشو لازم نعمل !!

( أولاً ) غياب الحضور الإعلامي الدولي

عن طريق :

1- إطلاق حملة وطنية بعنوان *رجّعوا النبض للبترا* بالشراكة مع صُنّاع محتوى عالميين ومؤثّرين.

2- ترويج رقمي ذكي على منصات مثل إنستغرام تيك توك ويوتيوب بلغة العالم أجمّع

3- شراكات مع وكالات سفر عالمية لتقديم عروض سياحية مغرية وآمنة ومتقنه بنفس الوقت

والاهم حملة ( بترا 2025 ) الدولية :

خطة إعلامية ذكية تُظهر البترا كمدينة آمنة وساحرة تستهدف أسواق السياحة الأوروبية والآسيوية

( ثانياً ) ضعف المشاريع المحلية

عن طريق :

1_ إنشاء صندوق تمويل خاص لأبناء البترا المتأثرين من توقف السياحة لتشغيلهم في أعمال تطويرية داخل الإقليم

2_فتح باب التطوع لطلاب الجامعات الأردنية للمشاركة في خدمة الزوّار وتنظيف المواقع الأثرية

(ثالثاً) البنية التحتية بحاجة لإنعاش

عن طريق :

1- تحسين طرق الوصول للبترا خصوصاً من عمان والعقبة ومعان

2- إنشاء مراكز استراحة ذكية للزوار على الطريق إلى المدينة

3- إدخال تكنولوجيا الواقع المعزز (AR) لشرح تاريخ البترا بأسلوب تفاعلي وحديث ومطور اكثر

(رابعاً ) المجتمع المحلي هو البطل الحقيقي

عن طريق :

1- تدريب أبناء البترا على المهارات السياحية الرقمية والتواصل مع السائح

2- تشجيع النساء والشباب على الدخول بسوق العمل السياحي بحرف يدوية وعروض تراثية

3- إعادة إحياء ليالي البترا الثقافية في المركز الثقافي من دبكات تراثيه حكايات نبطية ورش فسيفساء بطريقه اكثر فعّاليه

البترا مش مجرد حجر ولا موقع أثري

البترا وطن داخل الوطن هوية وقصة إحنا مسؤولين نحافظ عليها بكل الطرق

إذا سكتنا أكتر _ رح نخسر كنز عمره آلاف السنين

البترا ما بتستاهل الصمت البترا بدها فعل وبدها صوتك ..